خايفة عليك منك

خايف عليك منكـ ... يا الما بتعـرف الخوف
خايف غيوم ظنكـ ... تحجب عليك الشوف

وخايف عليك منك انا في هواك رحال
حارمني من حنك شاجيني بي ترحال
ارحل عليك بالريد ترحل تسيبني في حال
وابراك زي غنوة تشرح لسان الحـال

وأبراك في الاوتار من غنوة لى غنوة
وانت القريب للدار يصبح لقاك منية
اقصد هواك اشعار تقصد جفاي عنيه
لوما الغــرام اسـرار كان بوحتا للدنيا

ويا المابتعرف الخوف يا البجفاك بعيد
جرب غلاوة الريد صدقنى تبقى سعيد
ماتتبع الاوهام الظن خصيم الريد
واعلم مع الايام الريد مصيره يريد

اشتياق

من شوفتو طولنا
نهواه مازلنا
نهواه رغم الجور
... رغم الصدود عنا

يا قريب ومني بعيد
متى دهري بيك يجود
أراك وأبقى سعيد
ظلامي يصبح نور
في قربك أتهنا

مشتاق ونار الشوق
كيف ليها اقدر أطيق
وكيف من همومي أفيق
مدام وصالي عسير
وبعيد عن الجنة

الليهو ديمه أحن
ليه بوصالو يضن
النائي ليه زمن
اتمنى طيفو يزور
وفي قربو اتهنا